އއ. މާޅޮހު އޯކިޑްމާގޭ އަބްދުއްރަހުމާން އާދަމް އަނިޔާވެރި ގޮތަކަށް މަރާލާފައި އޮއްވައި ފެނުނު މައްސަލައާ ގުޅިގެން ތިން މީހަކު ހައްޔަރުކޮށްފިއެވެ. މި މައްސަލައަކީ ފުލުހުންނަށް އޭނާގެ ހަށިގަނޑު ފެނުނު ފަހުން ތަހުގީގު ކުރަމުންދާ މައްސަލައެކެވެ.
އުމުރުން 65 އަހަރުގެ އަބްދުއްރަހްމާން މަރާލާފައި އޮއްވާ އެންމެ ފުރަތަމަ ފެނުނީ މިދިޔަ ޖުލައި މަހުގެ 13 ވަނަ ދުވަހުގެ ރޭ އޭނާގެ ގޭގައި، ވަރުގަދަ ޒަހަމްތަކާއެކު، އޭނާގެ އަންހެނުން ނާޒިމާއަށެވެ. އޭގެ ފަހުން އެރަށުގެ އެހެން ބަޔަކަށް ވެސް އޭނާ ފެނިފައިވެއެވެ.
އަބްދުއްރަހްމާންގެ ހަށިގަނޑުގެ އޮޓޮޕްސީ ހެދުމަށް ފަހުގައި މިހާރު ވަނީ ވަޅުލާފައެވެ. ފުލުހުން ވިދާޅުވި ގޮތުގައި އޮޓޮޕްސީގެ ވަގުތީ ރިޕޯޓުން ވެސް އޭނާ ނިޔާވީ ބޮލަށް ދީފައިވާ އަނިޔާގެ ސަބަބުން ކަން ދައްކާ ކަމަށެވެ.
މި މަރާއި ގުޅިގެން ފުލުހުން ވަނީ މި މަހުގެ ނުވަ ވަނަ ދުވަހުގެ ރޭ އެކަކަށް ވުރެ ގިނަ މީހުންގެ ފޯނު އަތުލައި ގެތައް ބަލާ ފާސްކޮށްފައެވެ. އެ މީހުންނަކީ ވެސް މާޅޮހުގައި ދިރިއުޅޭ ބަޔަކު ކަމަށް ވާއިރު، އެއީ އެ ރަށުގައި ވަޒީފާ އަދާކުރާ ތިން މީހެއް ކަން ވަނީ އެނގިފައެވެ. މި މައްސަލައާ ގުޅިގެން އަބްދުއްރަހްމާންގެ އަނބިމީހާ ނާޒިމާގެ ފޯނު ވެސް ފުލުހުން ބަލައިފާސްކުރިއެވެ. ނަމަވެސް އާއިލާގެ އެހެން މީހެއްގެ ފޯނު ފުލުހުން ހޯދާފައެއް ނުވެއެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ، އަބްދުއްރަހްމާން އާދަމް މަރާލުމުގައި ބައިވެރިވި ކަމުގެ ތުހުމަތުގައި ތިން މީހަކު ހައްޔަރުކޮށްފައިވާ ކަމަށެވެ. މި މައްސަލައާ ގުޅޭ އިތުރު މައުލޫމާތު ފަހުން ހާމަކުރާނެ ކަމަށްވެސް އޮފިޝަލް ވިދާޅުވިއެވެ.
