މުއްސަނދިކަމުގެ ދަހިވެތިކަމުގައި މީހުން ހެއްލިގެންދާ މަންޒަރުތައް ފެންނަމުންދާ މި ދުނިޔޭގައި، ޢަރަބި ޤައުމެއްގެ މީހަކު ކިޔައިދިން ވާހަކައެއްގެ އަލީގައި މިތިބީ ފާޅުކޮށްދިނުމަށެވެ. މުދަލަށް ދެވިފައިވާ ލޯބީގެ ސަބަބުން، އިސްލާމީ އަސާސީ އަޅުކަމެއް ކަމުގައިވާ ނަމާދު ދޫކޮށްލުމަށް އެދި ޖިންނިއެއް ފާޅުވި ހާދިސާއަކީ، ދީނީ އަގީދާ ވަރުގަދަކޮށް، މާތް ﷲ އަށް ކިޔަމަންތެރިވުމުގެ މުހިންމުކަން ހަނދާންކޮށްދޭ ވާހަކައެކެވެ.
ވާހަކަ ކިޔައިދިން މީހާ ބުނި ގޮތުގައި، އޭނާ ދިރިއުޅުނު އަވަށުގައި ވަރަށް މުއްސަނދި އަވައްޓެރިއެއް ހުރެއެވެ. އެ އަވައްޓެރިޔާއަކީ ވިޔަފާރިއެއް ކުރާ މީހެއް ކަމެއް ނުވަތަ ވާރުތައިން މުދާތަކެއް ލިބިފައިވާ މީހެއް ކަމެއްވެސް ނޭނގެއެވެ. އަދި ދިރިއުޅުމަށް ލާރި ހޯދުމަށް މަސައްކަތް ކުރާ މީހެއްވެސް ނޫނެވެ. ނަމަވެސް އޭނާގެ އަތުގައި ވަރަށް ގިނަ މުދާ ހުރެއެވެ.
އެއްދުވަހަކު، މުދަލަށް ކަރުހިއްކައިގެންފައިވާ ވާހަކަ ކިޔައިދިން މީހާ، އޭނާގެ އަވައްޓެރިޔާ ކައިރިން އެހީމެވެ. ”ތިމަންނައަކީ ކަލޭގެ އަވައްޓެރިއެއް. އަދި އަހަރެމެން އަވައްޓެރިންގެ ގޮތުގައި ތިބޭތާ ވަރަށް ގިނަ ދުވަސްވެސް ވެއްޖެއެވެ. ތިމަންނައަށް ކަލޭގެ އަތުގައި ބައިވަރު މުދާ ވާތަން އެބަފެނެއެވެ. ނަމަވެސް ކަލެއަކީ ވިޔަފާރިއެއްވެސް އަދި މުދާ ހޯދުމަށް މަސައްކަތެއްވެސް ކުރާ މީހެއް ނޫނެވެ. އެހެންވެ، ތިމަން ބޭނުންވަނީ ކަލޭ ފަދައިން މުއްސަނދި މީހަކަށް ވެވޭނެ ގޮތެއް ކަލޭ ތިމަންނައަށް ކިޔައިދިނުމެވެ.“
އަވައްޓެރިޔާ އެދިގެން ހުރީ ވަރަށް ހަރުކަށި ޝަރުޠުތަކަށެވެ. ”އަހަރެން ކަލެއަށް މުއްސަނދި ވާނެ ގޮތެއް ކިޔައިދީފާނަން. އެކަމަކު އަހަރެން ކަލޭ ގާތުގައި ބުނާ ކޮންމެ ކަމެއް ކަލޭ ކުރަންޖެހޭނެ! އޭގެން އެއްވެސް ކަމެއް ދޫކޮށްލައިގެން ނުވާނެ! ހަމައެއްވެސް ކަމެއް.“ މުދަލަށް ޖެހިފައިވާ ލޯބީގެ ސަބަބުން، ވާހަކަ ކިޔައިދިން މީހާ މި ޝަރުޠުތަކަށް އެއްބަސްވިއެވެ.
އަވައްޓެރިޔާ އޭނާއަށް ދެއްކި މަގަކީ، އިރު އޮއްސޭ ވަގުތު ކޯރުގެ އައްސޭރިފަށަށް ދިއުމެވެ. އިރު އޮއްސެނީ ޝައިޠާނާގެ ދެ ދަޅައިގެ ދެމެދަށްކަން ފާހަގަކުރަމުން، އެވަގުތު އިރު އޮއްސޭތަން ބަލަން ހުރެ، އަވައްޓެރިޔާ ދިން ނަންތަކަކަށް ގޮވާލުމުން، ކޯރުން އެއްޗެއް ފާޅުވާނެކަމަށް ބުންޏެވެ. އަދި އެއަށްފަހު އެއެއްޗެއް އޭނާއާ ވާހަކަ ދައްކާނެ ކަމަށާއި، އެއެއްޗެއް އެދޭ ކޮންމެ ކަމެއް ދޫނުކޮށް ކުރުމަށްވެސް އަންގާފައިވެއެވެ.
މުދަލަށް ކަރުހިއްކައިގެންފައިވާލެއް ބޮޑު ކަމުން، ވާހަކަ ކިޔައިދިން މީހާ، އަވައްޓެރިޔާ ބުނި ގޮތަށް ކޯރުގެ އައްސޭރިފަށަށް ދިޔައެވެ. އަދި އޭނާ ބުނި ނަމުން ގޮވާލުމުން، ޖިންނިއެއް ފާޅުވިއެވެ. އެ ޖިންނި އޭނާ ގާތުގައި އެންމެ ފުރަތަމަވެސް އެދުނު ކަމަކީ ނަމާދު ދޫކޮށްލުމެވެ. މާތް ﷲ ގެ ރަޙްމަތްފުޅުން، ވާހަކަ ކިޔައިދިން މީހާއަކީ ކުޑައިރުއްސުރެ ނަމާދަށް ފަރުވާތެރިކަން ބަހައްޓާ މީހެކެވެ. އަދި ނަމާދެއް އެޅުމަށް އޭނާ ދުވަހަކުވެސް ވިސްނާފައެއް ނުވެއެވެ. އެހެންކަމުން، އެ ދުވަހުގައި އޭނާ ނަމާދު ދޫކޮށްލުމަކަށް ނުވިސްނިއެވެ. އޭނާ ވަރަށް ހަރުކަށިކަމާއެކު ޖިންނި ގާތުގައި ބުނީ ނަމާދު ދޫކޮށްނުލެވޭނެ ކަމަށާއި، މިއީ އޭތީގެ ދާއިރާއިން ބޭރުގެ ކަމެއް ކަމަށެވެ. އެއަށްފަހު، ބާރުގަދަ އަޑު ފައްގަނޑެއް ނިކުތުމަށްފަހު، ޖިންނި އެ އައިތަނަކަށް ރުޖޫޢަ ވެއްޖެއެވެ.
ނަމާދު ދޫކޮށްނުލުމުގެ ސަބަބުން، ޖިންނި ރުޖޫޢަވުމުން، ވާހަކަ ކިޔައިދިން މީހާ އަނބުރާ ދިޔައިރު އަވައްޓެރިޔާ ވަނީ ވަރަށް ރުޅިގަދަވެފައެވެ. އެއީ ޝައިޠާނުންގެ ގާތަށް އެ އެއްޗެއްސަށް ކިޔަމަން ނުވާ މީހެއް ފޮނުވުމުން އެ އެއްޗެހި ރުޅިއައުމުން ކަމަށް ބެލެވެއެވެ.
މި ހާދިސާއިން ލިބޭ އެންމެ ބޮޑު އިބްރަތަކީ ނަމާދުގެ މުހިންމުކަމެވެ. ނަމާދަކީ ފާޙިޝްކަންކަމާއި މުންކަރާތްތައް ކުރުމުން މީހުން ދުރުކޮށްދެނިވި އަޅުކަމެކެވެ. މާތް ﷲ ވަޙީކުރައްވާފައިވެއެވެ. ﴿إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ ﴾ (ސޫރަތުލް ޢަންކަބޫތު : 45) މާނައީ: ”ހަމަކަށަވަރުން ނަމާދަކީ ހުތުރުކަންބޮޑު ފާފަތަކާއި، މުންކަރާތްތައް ނަހީކުރާ ކަމެކެވެ.“
ވިސްނާލުން ހުއްޓެވެ! ވާހަކަ ކިޔައިދިން މީހާ އަކީ ނަމާދަށް ފަރުވާތެރިވާ މީހެއް ނޫންނަމަ، އެ ޝައިޠާނާގެ ބަހަށް ކިހާ ފަސޭހައިން އޭނާ ހެއްލޭނެ ހެއްޔެވެ؟ އަދި އޭގެ ބަހަށް މީހާ ހެއްލިއްޖެނަމަ، ދެ ދުނިޔޭގެ ބާއްޖަވެރިކަން އޭނާއަށް ގެއްލުނީއެވެ. ދީނުގެ މަތީގައި ސާބިތުވެ ތިބުމަށާއި، ޝައިޠާނާގެ ވަސްވާސްތަކުން ދުރުހެލިވުމަށް މިވާހަކަ އިބްރަތަކަށް ވާނެކަމަށް އުންމީދުކުރަމެވެ.
(ޢަރަބި ޤައުމެއްގެ މީހަކު ކިޔައިދިން ވާހަކައެއްގެ އަލީގައި ތައްޔާރުކުރެވިފައިވާ ލިޔުމެއް)
