ކުންނާރަކީ ދިވެހިންގެ ތެރޭގައި އެހާ އާންމު މޭވާއެއް ނޫނަސް މިއީ އެތައް ސިއްހީ ފައިދާތަކެއް އެކުލެވިގެންވާ މޭވާއެކެވެ. ތާޒާ ކުންނާރުގެ ރަހަ ހުންނަނީ ފޮނި އާފަލު ރަހައާއި ދާދި އެއްގޮތަށެވެ. އަދި ހިއްކާފައި ހުންނަ ކުންނާރުގެ ރަހަ ކަދުރުގެ ރަހައާއި ވައްތަރެވެ. ކުންނާރުގައި ގިނަ އަދަދަކަށް ކެލްސިއަމް، ޕޮޓޭސިއަމް، ވިޓަމިން އޭ އަދި ސީ ފަދަ މާއްދާތައް އެކުލެވިގެންވެއެވެ. މިއީ ހަށިގަނޑަށް ބޭނުންވާ މުހިންމު ނިއުޓްރިއެންޓްސް ފޯރުކޮށްދޭ އަދި ހަކަތަ ލިބިގަތުމަށް އެހީތެރިވެދޭ މޭވާއެކެވެ.
މި ލިޔުމުގައި ކުންނާރުން ލިބޭ ބައެއް މުހިންމު ފައިދާތަކަށް އަލިއަޅުވާލާނަމެވެ.
ހިތުގެ ސިއްހަތާއި ނިދި ރަނގަޅުކުރުން:
ކުންނާރުގައި ޕޮޓޭސިއަމް ގިނަ އަދަދަކަށް ހިމެނޭ އިރު ސޯޑިއަމް މަދެވެ. ޕޮޓޭސިއަމްގެ ސަބަބުން ލޭހޮޅިތައް ހަމަޖެހި ލޭގެ ޕްރެޝަރު ކޮންޓްރޯލް ކުރުމަށް އެހީތެރިވެދެއެވެ. މީގެ އިތުރުން ކުންނާރަކީ ހިތުގެ ބަލިތަކުން ދިފާއުވުމަށް އެހީތެރިވެދޭ މޭވާއެއް ކަމަށް ދިރާސާތަކުން ދައްކައެވެ.
ނިދި ނައުމުގެ މައްސަލައަށް ކުންނާރަކީ ގުދުރަތީ ފަރުވާއެއްގެ ގޮތުގައި ބޭނުންކުރަމުން އައިސްފައިވާ އެއްޗެކެވެ. މި މޭވާގައި ސެރޮޓޯނިން އަދި މެލަޓޯނިން ފަދަ ކޮމްޕައުންޑްސް ހިމެނޭތީ ނިދީގެ ވައްޓަފާޅި ރަނގަޅުކޮށް ހަމަޖެހުން ގެނައުމަށް އެހީތެރިވެދެއެވެ.
ހަޖަމުކުރުމުގެ ނިޒާމަށް ފައިދާކުރުން:
ކުންނާރުގައި ހިމެނޭ ފައިޓޯކެމިކަލްސްއަކީ ހަޖަމުކުރުމުގެ ނިޒާމުގެ ޞިއްޙަތު ރަނގަޅުކުރުމަށް ވަރަށް މުހިންމު އެއްޗެކެވެ. ދުވާލަކު މަދުވެގެން 40 މިލިގްރާމްގެ ކުންނާރު ކެއުމަކީ ހަޖަމުކުރުމުގެ ނިޒާމުގެ މާހައުލު ރަނގަޅުކުރުމަށް އެހީތެރިވެދޭ ކަމެއް ކަމަށް ދިރާސާތަކުން ދައްކައެވެ. މީގެ އިތުރުން ދިރާސާތަކުން އެނގޭ ގޮތުގައި ދާއިމީ ބަނޑުހަރުވުމުގެ އުނދަގޫތައް ކުޑަކުރުމަށް ވެސް ކުންނާރުގެ ބޭނުން ހިފިދާނެއެވެ.
ދިފާޢީ ނިޒާމް ވަރުގަދަކުރުމާއި ލޭ ދައުރުކުރުން:
ކުންނާރުގައި ވިޓަމިން ސީ އާއި ވިޓަމިން އޭ ގިނައަދަދަކަށް އެކުލެވިގެންވެއެވެ. މި ދެ ވިޓަމިނަކީ ވެސް ވަރުގަދަ އެންޓިއޮކްސިޑެންޓްސްތަކެކެވެ. މި ނިއުޓްރިއެންޓްސްތަކުގެ ސަބަބުން ހަށިގަނޑުގެ ދިފާޢީ ނިޒާމް ވަރުގަދަވެ ބަލިތަކުން ދިފާޢުވުމަށް އެހީތެރިވެއެވެ. މީގެ އިތުރުން ކުންނާރުގައި ހިމެނޭ ދަގަނޑާއި ފޮސްފަރަސްގެ ސަބަބުން ލޭގެ ދައުރުކުރުން ރަނގަޅުކޮށް ހަށިގަނޑުގެ ހުރިހާ ގުނަވަންތަކަށް އޮކްސިޖަން ފޯރުކޮށްދިނުމަށް އެހީތެރިވެއެވެ.
ހަމަޖައްސައިދިނުމާއި ދުޅަހެޔޮކަން ކުޑަކުރުން:
ކުންނާރުގެ އެހެން މުހިންމު ފައިދާއަކީ ހަށިގަނޑަށް ހަމަޖެހުމެއް ގެނެސްދީ ސްޓްރެސް (ބާރުބޮޑުވުން) އާއި ކަންބޮޑުވުން ކުޑަކޮށްދިނުމެވެ. އެއީ ސިކުނޑިއާއި ހަށިގަނޑަށް ހަމަޖެހުމުގެ އަސަރުކުރާ މޭވާއެކެވެ. އަދި ކުންނާރުގައި ދުޅަހެޔޮކަން ކުޑަކުރުމުގެ ޚާއްސަ ސިފަތަކެއް ވެސް އެކުލެވިގެންވެއެވެ. މި ސިފަތަކުގެ ސަބަބުން ހުޅުތަކުގެ ރިހުން ކުޑަކުރުމަށާއި ހަށިގަނޑުގެ އެކި ބައިތަކުގައި އުފެދޭ ދުޅަތަކަށް ލުއިކަމެއް ގެނެސްދިނުމަށް އެހީތެރިވެއެވެ.
ކުންނާރަކީ ހަމައެކަނި ރަހަ މީރު މޭވާއެއް ނޫނެވެ. އެއީ ހަށިގަނޑަށް ބޭނުންވާ ގިނަ އަދަދެއްގެ މުހިންމު މާއްދާތައް އެކުލެވިގެންވާ ހިތުގެ ސިއްހަތާއި ނިދި އަދި ހަޖަމުކުރުމުގެ ނިޒާމަށް ވެސް ފައިދާކޮށްދޭ މޭވާއެކެވެ. ޞިއްޙަތު ރަނގަޅުކޮށް، ދިފާޢީ ނިޒާމު ވަރުގަދަކުރުމަށް ކުންނާރު ކެއުމަކީ ވަރަށް ރަނގަޅު ގޮތެކެވެ.
ކުންނާރަކީ ހަމައެކަނި މީރު މޭވާއެއް ނޫނެވެ. އެއީ ދިފާޢީ ނިޒާމް ވަރުގަދަކޮށް ލޭ ދައުރުކުރުން ރަނގަޅުކޮށް އަދި ސްޓްރެސް ކުޑަކޮށްދޭ ފައިދާ ހުރި ކާނާއެކެވެ. ޞިއްޙަތަށް ފައިދާ ހުރި މި މޭވާ ކެއުމުގެ އާދަ ހިފެހެއްޓުމަކީ ދުޅަހެޔޮ ދިރިއުޅުމަކަށް އެޅޭ މުހިންމު ފިޔަވަޅެކެވެ.
